საზოგადოებრივი მაუწყებელი 250 თანამშრომლის განთავისუფლებას აპირებს. გავრცელებული ინფორმაციით, 250 კაციანი სია ადამიანური რესურსების დეპარტამენტმა მოამზადა და ხელმოსაწერად მაუწყებლის გენერალურ დირექტორს გიორგი ჭანტურიას გადაუგზავნა. როგორც საზოგადოებრივი მაუწყებლის თანამშრომლები აღნიშნავენ მაუწყებლის ბიუჯეტის 3 მილიონი ლარით შემცირებას უკავშირდება. შეგახსენებთ, უმაღლესმა საკანონმდებლო ორგანომ, 11 დეკემბერს, რიგგარეშე სხდომაზე, პირველი მოსმენით, 77 ხმით 2-ის წინააღმდეგ, მიიღო “მაუწყებლობის შესახებ” კანონში შესატანი ცვლილებები. ამ ცვლილებით, საზოგადოებრივი მაუწყებლის დაფინანსება ქვეყნის მთლიანი შიდა პროდუქტის 0.12%-ზე ნაკლები არ უნდა იყოს. თუმცა ეს ცვლილება არ შეეხება საზოგადოებრივი მაუწყებლის მომავალი წლის დაფინანსებას, რომელიც სახელმწიფო ბიუჯეტის პროექტის მიხედვით, 22 მილიონ ლარს შეადგენს, 3,5 მილიონით ნაკლებს, ვიდრე იყო წელს.
[წყარო: “ექსპრესნიუსი”]
