თეა თუთბერიძე ბოლო დროს ის პერსონა გახდა, რომელზეც საქართველოში ყველგან საუბრობენ. მას შედეგ, რაც ერთ-ერთ ინგლისურენოვან სოციალურ ქსელზე თუთბერიძემ პატრიარქისადმი მიძღვნილი უკვე ყველასთვის ცნობილი ვიდეოები განათავსა, თუთბერიძით ძალიან ბევრი ადამიანი დაინტერესდა.
ერთ-ერთ ქართულ ინტერნეტფორუმზე: www.planeta.ge-ზე. თუთბერიძემ გამართა ონლაინ-კონფერენცია, სადაც პირდაპირ რეჟიმში საკმაოდ ბევრ კითხვას უპოასუხა. მათ შორის ისეთ კითხვებსაც, როგორიც არც საგაზეთო არც ტელევიზიის ფორმატში მისთვის არ დაუსვიათ. პრესა.გე-ს მკითველისათვის ალბათ საინტერესო უნდა იყოს ეს კონფერენცია, მით უმეტეს, რომ კითხვების ავტორები ჩვეულებრივი, რიგითი მოქალაქეები იყვნენ, როლებმაც კითხვები ფორუმებზე ბუნებრივია ძირითადად ფორუმული მეტსახელებით განათავსეს.
Mirianირიან Gamrekelashvili:ძნელია იყო თეა თუთბერიძე? ანუ, რა გრძნობაა როცა ამდენი უცნობი შენს მიმართ უსაფუძვლო აგრესიას ავლენს?
თეა თუთბერიძე: არა, სულაც არ არის ძნელი . თეა თუთბერიძე ხარ თუ მირიან გამრეკელაშვილი რა მნიშვნელობა აქვს? არანაირი. მთავარია შეგეძლოს იმის თქმა რასაც ფიქრობ და აკეთო ის, რაც სწორად მიგაჩნია.
ადამიანებს, როგორც წესი საფუძვილიანი კრიტიკა აღიზიანებთ და არ მოსწონთ ხოლმე. ამ შემთხვევაში, ამ აგრესიას არც არანაირი აზრი აქვს და არც ყურადღებას ვაქცევ. უბრალოდ ვხალისობ ასეთ ადამიანებზე. ზოგჯერ მეცოდებიან კიდეც, რადგან მათ აგრესიის გამომჟღავნების მეტი არაფერი შეუძლიათ. მაგალითად არ შეუძლიათ მოისმინონ განსხვავებული აზრი, დაფიქრდნენ, გაიაზრონ და ცივი გონებით განსაჯონ რაც მოისმინეს.
Siknadmo:საერთოდ რას ფიქრობთ ხალხზე, ზოგადად საქართველოს მოქალაქეებზე?
თეა თუთბერიძე: რას უნდა ვფიქრობდე? ვფიქრობ იმას რომ სამოქალაქო თვითშეგნება გვაკლია, საკუთარი თავის გარდა არაფერი გვადარდებს. იმის ნაცვლად, რომ სახელმწიფოს დავეხმაროთ, ავაშენოთ და გავაძლიეროთ, საკუთარი მუცლების გარდა არაფერზე ვფიქრობთ და კიდევ ბევრი ”სიკეთეები” გვახასიათებს, მაგრამ შორს წამიყვანს ამ ყველაფრის ჩამოთვლა
Lacoste87: თქვენი აზრით, ყველაზე უპატიებელი და მიუღებელი, რა შეცდომები დაუშვა ხელისუფლებამ 2003 წლიდან დღემდე?
თეა თუთბერიძე: ის რომ პასუხისგებაში არ მისცა ყველა ის ადამიანი, ვისაც კანონის წინაშე აუცილებლად უნდა ეგოთ პასუხი იმ უკანონობებისთვის, რაც მათ ჩაიდინეს (მაგალითად შევარდნაძე, როინ მეტრეველი, შოთა კოპაძე, კოტე კემულარია და კიდევ ძალიან ბევრი ის ადამიანი ვინც ნამდვილად ციხეში ჩასასმელი იყო - კგბ-ს აგენტები). მიუღებელია შერჩევითი მართლმსაჯულება. ამას ვერასდროს ვერ დავეთანხმები. ის რომ არ მიიღეს ლუსტრაციის კანონი, ის რომ შეაჩერეს რეფორმაბი მხოლოდ იმიტომ, რომ ეს მათ რეიტინგზე ახდენდა გავლენას და ა.შ.
tb_parazitka:რატომ წამოხვედი უნივერსიტეტიდან?
თეა თუთბერიძე: სტუდენტი ვიყავი იმ მარაზმს ვებრძოდი უნივერსიტეტში რაც იყო და ლექტორსაც მაგ მეკეთებინა ისევ, თუ სტუდენტებისთვის მესწავლებინა?
თსუ-ს როგორც ჩანს არასდროს არაფერი ეშველება სამწუხაროდ!
nostradamusi: საპატრიარქომ კონკრეტულად რომელი პროგრესული პროცესი შეაჩერა ან შეაფერხა?
თეა თუთბერიძე: ძალიან ბევრი. უბრალოდ ახლა ამაზე რომ დავიწყო წერა ერთი დღე კიდევ ვერ მოვრჩები. გთავაზობთ fasebook-ის ჩემს გვერდზე დამატებას და იქ ბევრ რამეს წაიკითხავთ მაგ კითხვაზე პასუხის კუთხით. მაგალითს მოგიყვანთ, როცა საპატრიარქო გამოდის და აკეთებს განცხადებას რომ ხელისუფლებამ უნდა გამოუშვას თურმე ის ხულიგნები, რომლებმაც საზოგადოებრივი არხის ჟურნალისტს სცემეს, ამას თქვენ რას უწოდებთ??? ეს რომ სახელმწიფოს ასუსტებს და ასეთი რამ რომ არ უნდა ხდებოდეს იმედია ამას ხვდებით. მაგრამ ამ კუთხით მარტო საპატრიარქოსთან კი არა, ხელისუფლებასთან მაქვს მთავარი პრეტენზია, რომ წავიდა იმ ნაბიჯზე, რომ ის ადამიანები საპატრიარქოს მოთხოვნით გამოუშვა. რამდენი ადამიანი იხდის დღეს სასჯელს ანალოგიური ქმედებისთვის იმავე მუხლით თუ იცით? რატომ იმათზე არ მოითხოვეს მაშინ? თუ ოპოზიციური პარტიის აქტივისტობა თუ წევრობა ყველაფრის უფლებას იძლევა?
irmako1:დავიჯერო მხოლოდ ეკლესიაა დღეს პრობლემა? მითუმეტეს როდესაც დღეს ეკლესია ცუდს არ გვიკეთებს, პირიქით უამრავ გაჭირვებულს იფარავს, და თუ თქვენ კონკრეტული ფაქტები გაქვთ გვაჩვენეთ, ან აჩვენეთ პატრიარქს იქნებ მან პირველი დაგმოს? რატომ არის პირდაპირი შეტევა ეკლესიაზე?
თეა თუთბერიძე: უამრავი ფაქტი არსებობს იმისა რა უსამართლობებიც ეკლესიში ხდება. მე ამის ფაქტების შესახებ იმდენი რამ მიდევს fasebook-ის ჩემს გვერდზე რომ ორი კვირა ვერ წაიკითხავთ. მაგრამ აბა მანახეთ ჟურნალისტი ვისაც ამ ყველაფრის გაშუქება შეუძლია დღეს? რაც შეეხება ვიდეო რგოლებზე აგორებულ აჟიოტაჟს - შექმნილი სიტუაცია საკუთარი რეიტინგის ასაწევად გამოიყენეს როგორც ოპოზიციის, ისე ხელისუფლების წარმომადგენლებმა. მე ვთვლი, რომ ასეთი ქმედება და რელიგით მანიპულირება არ არის მისაღები, მითუმეტეს პოლიტიკოსების მხრიდან.
არასწორია, როდესაც საჯარო პირები თავიანთი რელიგიურობის ხაზგასმას ახდენენ. ეს არის ჩემთვის მიუღებელი, რადგან შენი რწმენა არის შენი ინტიმური, შენი პირადი. პოლიტიკოსებს, განსაკუთრებით კი ხელისუფლებაში მყოფთ, უნდა ესმოდეთ, რომ ისინი არ არიან ხელისუფლებაში მხოლოდ მართლმადიდებლების წარმომადგენლები და მათი ეს განხცადებები და გამოსვლები შეურაცხმყოფელია იმ არამართლმადიდებელი ამ ქვეყნის მოქალაქეებისთვის, ვისაც ისინი წარმოადგენენ ამავე დროს. მაგრამ, პოლიტიკოსები, ხშირად საკუთარი რეიტინგებისთვის აკეთებენ ამას, რადგან უმრავლესობა საქართველოში მართლმადიდებელია. პოზიორობენ ეკლესიებში კამერების წინ, ანთებენ სანთლებს და ჩნდებიან პატრიარქის გვერდით. ჩემი აზრით პატრიარქი მათ არ უნდა აძლევდეს ამის უფლებას. ეკლესიის და პატრიარქის გამოყენება პოლიტიკური კამპანიებისთვის არ უნდა ხდებოდეს.
რა თქმა უნდა პრობლემა ბევრია, მაგრამ საფრთხე იმისა რომ რუსეთმა თავის სანუკვარ მიზანს მიაღწიოს, ეს სწორედ ეკლესიას გამოყენებით შეიძლება მოხდეს. რუსეთმა იცის, რომ პატრიარქის სიტყვა ძალიან ბევრს ნიშნავს და ძალიან მგრძნობიარეა საზოგადოება მის მიმართ. მე სწორედ ეს საფრთხე დავინახე პატრიარქის იმ განცხადებაში, რომელიც მან პედაგპოგებთან შეხვედრისას გააკეთა. ვფიქრობ, რუსეთმა შესაძლოა გათვლები ამჯერად ეკლესიაზე გააკეთოს, რადგან ოპოზიციამ ვერ შეძლო იმ მიზნის მიღწევა, რაც მას სურდა და სამწუხაროდ ეს შეიძლება ეკლესიის გამოყენებით გამოვიდეს, რადგან ქართველი ხალხის დიდი ნაწილი ჯერ კიდევ ვერ გათავისუფლდა საბჭოთა იდეოლოგიის მარწუხებისგან.
Paopo: თუ მართალი ადამიანი ხართ, რატომ არ აკრიტიკებთ სიცოცხლის უფლების ხელყოფას, ადამიანების ქუჩაში ჩაცხრილვას, გახმაურებულ მკვლელობებს, გირგვლიანის მკვლელების გათავისუფლებას და აშკარად გადაჭარბებულ სასჯელებს მსუბუქ დანაშაულებზე, ციხეებში არსებულ მდგომარეობას, საკუთრების უფლების უპრეცედენტო ხელყოფას, ბიზნესის დატერორებას, პატიმრების მდგომარეობას ციხეებში, სასამართლოს პოლიტიზაციას, 7 ნოემბერს?
თეა თუთბერიძე: დავიწყებ გირგვლიანის ტრაგედიით და ვიტყვი, რომ როცა ასეთი რამ ხდება ქვეყანაში, ეს სერიოზული პრობლემაა. სამწუხაროა ის რაც მოხდა. მაგრამ ასევე სამწუხარო იყო, რასაც ე.წ. ოპოზიციური პოლიტიკური პარტიები აკეთებდნენ - ამ თემით მანიპულირება საკუთარი რეიტინგის ასაწევად და სხვის უბედურებაზე ქულების ჩაწერა. წინა საარჩევნო ვიდეო რგოლებში შვილის საფლავზე დამხობილი გირგვლიანის დედა და სხვა უამრავი ამაზრზენი რამ. გირგვლიანი და რობაქიძის შემთხვევებს ვერ შევადარებ სხვა დანარჩენს - როგორც თქვენ უწოდებთ ”ადამიანების ქუჩაში ჩაცხრილვას”. რობაქიძის საქმე ამ შემთხვევიდან მეორე დღიდანვე იყო ჩვენთვის ცნობილი. იმ მანქანაში მსხდომი სხვა დანარჩენი ახალგაზრდები მოვიდნენ ოჯახის წევრებთან ერთად ჩვენთან ოფისში. მათ მოყვნენ რა და როგორ მოხდა. არასოდეს ერთ წყაროზე დაყრდნობით არ ვიქმნიხოლმე წარმოდგენებს, მაგრამ როცა ამ საქმის სხვა დეტალებსაც გავეცანი (მოვუსმინე შსს და ა.შ.) მივხვდი რომ ყველაფერი არც ისე იყო როგორც ამას შსს ამბობდა და არც ისე როგორც შემდგომში ე.წ. ოპოზიციური პარტიები გაჰყვიროდნენ. სამწუხაროდ რობაქიძე პოლიციელის იარაღიდან შემთხვევით გავარდნილმა ტყვიამ იმსხვერპლა.
ჩვენთან მოსული ახალგაზრდები ყვებოდნენ - პირველ ჯერზე პოლიციის მოწოდებას გაგვეჩერებინა მანქანა, არ დავემორჩილეთო. მათ სხვა პატრულის თანამშრომლები გამოიძახესო და შემდეგ უკვე მოგვიწია გაგვეჩერებინაო. როცა მანქანიდან გადმოვედით, მანქანის ერთი კარი, საედანაც რობაქიძე გადმოვიდა ცუდად იღებოდა და ჩხაკუნის ხმა იყოო. როგორც ჩანს პოლიციამ ჩათვალა რომ იარაღი ჰქონდა და შიშისგან გაისროლაო. არც მათ და არც ჩვენ ბუტა მკვდარი არ გვეგონაო. ეს მხოლოდ მას შემდეგ დავინახეთ, როცა პოლიციის თანამშრომლები ხელებზე ბორკილებს გვადებდნენ და როცა ბუტასთანაც მივიდნენ ხელებზე ბორკილების დასადებად მაშინ მიხვდნენ რომ მკვდარი იყოო. ეს ძალიან სამწუხარო შემთხვევა იყო, ამაზე დიდი უბედურება არც ერთი ოჯახისთვის არ არსებობს ალბათ, რასაც შვილის სიკვდილი ჰქვია.
Choxa:შეურაწყოფასა და კრიტიკას შორის, იმავე ევროპული სტანდარტების მიხედვით, განსხვავება რომაა, თან დიდი, უხერხულობას არ გიქმნის? რატომ უნდა იყოს ნორმალური ადამიანისათვის შეურაწყოფა დასაშვები?! (თუნდაც საჯარო პირის)
თეა თუთბერიძე: თქვენ ვერ გაიგეთ როგორც ჩანს სამწუხაროდ, ან მე ვწერ გაუგებრად. გადმოვიტან ციტატას: ”საჯარო პირების მიმართ ნებისმიერი ფორმით კრიტიკა და შეურაცხყოფა ეს დასაშვებად მიმაჩნია”. იქნებ კარგად წაგეკითხათ და შემდეგ გაგეკეთებინათ ესოდენ მნიშვნელოვანი შეფასება? აქ სადმე დაინახეთ ვამბობდე, რომ შეურაცხყოფასა და კრიტიკას შორის განხსვავება არ არისთქო?
მორალურად შეიძლება არ არის, მაგრამ ჩემთვის გამოხატვის თავისუფლების მაღალი სტანდარტის არსებობა ძალიან მნიშვნელოვანია. თუ საჯარო პირის მიმართ შეურაცხყოფა დაუშვებელი იქნებოდა, მაშინ ნებისმიერ მათგანს შეეძლო ეთქვა - ეს ჩემთვის შეურაცხმყოფელია რაც ჩემზე თქვესო და წასულიყო სასამართლოში. ასეთ შემთხვევაში სიტყვის თავისუფლებაც აღარ იარსებებდა.
Wano:კონკრეტულად ვინ მიგაჩნიათ თქვენ ”დანმაშავედ” იმაში რომ 21-ე საუკუნეში რელიგიას და შესაბამისად მათ წინამძღლოებს ასეთი ძლიერი გავლენა აქვს?
თეა თუთბერიძე: დამნაშავე არაფერ შუაშია. ზოგადად ჩვენს ქვეყანაში ხალხს დიდი მოთხოვნილება აქვს ლიდერის. 80-იანი წლების ბოლოს და 90-იანი წლების დასაწყისში ეს ლიდერი ზვიად გამსახურდია იყო. მაშინ პატრიარქი და ეკლესია დიდად არავის ახსოვდა და არც რეიტინგი ჰქონდა დიდი. როცა გამსახურდიას მთავრობა რუსეთმა დაამხო ქართველების ხელით და დაგვისვა შევარდნაძე, შევარდნაძეს ხალხის დიდი ნაწილი ვერ იტანდა და მას საკუთარ ლიდერად არ თვლიდა.
იმ პერიოდში იწყებს ზრდას ილია მეორის რეიტინგი. დაბერდა ილია მეორე, ყველამ დაივიწყა, რომ ის ოდესღაც პოლკოვნიკი შიოლაშვილი იყო (სამწუხაროდ გვჩვევია ქართველებს ასეთი გულმავიწყობა), გახდა ”საყვარელი” მოხუცი და ამ ხალხმაც სხვას ვერავის რომ ვერ ხედავდნენ საკუთარი მოთხოვნილებების დასაკმაყოფილებლად (ლიდერზე მოთხოვნას ვგულისხმობ) ილია მეორე გაიხადა ლიდერად. მერე უცებ გამოჩნდა შევარდნაძესთან მებრძოლი სააკაშვილი. ხალხს ნდობა გაუჩნდა მის მიმართ და ის აღიარეს ლიდერად 2003 წელს. მაგრამ სააკაშვილმა რეფორმების გატარება დაიწყო. ეს რეფორმები საზოგადოების ნაწილს მტკივნეულად შეეხო, რამაც სააკაშვილის რეიტინგის დაცემა გამოიწვია და ხალხმა ლიდერზე მოთხოვნილების დსაკმაყოფილებლად კვლავ ეკლესიას მიაშურა. ასე გაიზარდა ილია მეორის რეიტინგი და არა მხოლოდ ლიდერი გახდა, არამედ ვიღაცეები ღმერთადაც კი მიჩნევენ დღეს უკვე. ასე მოვედით აქამდე. ახლა ხელისუფლებას ეშინია იმის, რომ თუ ეკლესია ღიად ჩაერევა პოლიტიკურ პროცესებში და ის გამოიყენებს ამ რეიტინგს და ხალხს ხელისუფლების შეცვლისკენ მოუწოდებს (რისი იმედითაც 26 მაისს ოპოზიციამ მიაშურა ილია მეორეს სამებაში), მაშინ პროცესების კონტროლი გაძნელდება.
რუსეთმაც კარგად იმუშავა ილია მეორის და ეკლესიის რეიტინგის აწევაზე. მაშინ როდესაც რუსეთის ჯარი იდგა გორში და იქ ფაქტობრივად ვერცერთი უცხოელი ჟურნალისტი და ვერცერთი საერთაშორისო ორგანიზაციის წარმომადგენელი ვერ შედიოდა და რუსეთს ანგარიში არავისთვის გაუწევია, თქვენ როგორ ფიქრობთ, რატომ დართო ნება საპატრიარქოს, რომ შესულიყვნენ კონფლიქტის ზონაში და გამოეტანათ იქედან ცხედრები? ბუნებრივია, ეს კიდევ ერთხელ მეტყველებს იმ კავშირებზე, რომელიც არსებობს. არავის გასჩენია კითხვა, ხომ არ იყო ეს გაკეთებული რუსეთის მხრიდან, რომ ქართველი ადამიანი როდესაც დაინახავდა თუ როგორ გამოყავს საპატრიარქოს ცხედრები, ეკლესიის რეიტინგი მაღლა აიწევდა? ჩემი აზრით ეს ყველაფერი გაკეთდა იმისთვის რომ რუსეთი როცა გადაწყვეტდა, გამოეყენებინა ქართული ეკლესია თავის სასარგებლოდ, მას ჰქონოდა ხალხში რეიტინგი. თუმცა ბუნებრივია ვერავინ დაუკარგავს ეკლესიას იმას რომ მათ გამოიყვანეს ბრძოლის ველიდან გარდაცვლილები.
Babuagiorgi:პატრიარქი თქვენ იგივე საჯარო პირი მიგაჩნიათ როგორც პრეზიდენტი?
იგივე საჯარო პირი ვერ იქნება ვერანაირად. თუმცა საჯარო ფიგურა ნამდვილად არის და მის მიმართაც ისევე დასაშვებია კრიტიკა და გაშარჟებული ვიდეო რგოლები როგორც ნებისმიერ სხვა საჯარო პირზე.
მითუმეტეს, როდესაც პატრიარქის გამოსვლები ხდება პოლიტიკური მესიჯების მატარებელი, მას აღარ უნდა გაუკვირდეს, რომ მასთან მიმართებაშიდაც ისეთივე ფორმებით წავა კრიტიკა, როგორც ეს ხდებახოლმე იმ ადამიანებთან მიმართებაში, რომლებიც პოლიტიკურ განცხადებებს აკეთებენ, ეს იქნება გაშარჟებული ვიდეო რგოლები თუ სხვა ფორმა.
Shamili:ის მოსაზრებები რაც თქვენ ამ ფორუმზეც წამოაყენეთ ჩემთვისაც ნაცნობია და არც თუ საფუძველს მოკლებული, თუმცა მე ვერ გავბედავ პატრიარქზე მხოლოდ მოსაზრებაზე დაყრდნობით მსგავსი ბრალდების წაყენებას და უმძიმესი ცოდვის დადებას. თქვენ შეძლებთ თქვენი სიმართლის დამტკიცებას ?
თეა თუთბერიძე: მე მივმართავ ილია მეორეს, თუ ის თვლის, რომ ეს ყველაფერი ცილისწამებაა შეიტანოს სარჩელი სასამართლოში. იმ რაღაც სულელურ ვიდეო რგოლებზე რომ ყვიროდა საპატრიარქოც და ხელისუფლებაც, რატომ არიან ახლა ასე ჩუმად?
რატომ არავინ აცხადებს, რომ ეს ყველაფერი ტყუილია? რომ ილია მეორე პოლკოვნიკი შიოლაშვილი - მეტსახელად ”ივერიელი” არ არისო და კგბ-ს აგენტები არ გვყავს საპატრიარქოშიო? იმიტომ რომ ეშინიათ და არ აწყობთ ამ თემის წამოწევა. არც საპატრიარქოს და არც ხელისუფლებას. ხელისუფლებას ეშინია და იმიტომ, საპატრიარქოს კიდევ არ სურს ხალხმა სიმართლე იცოდეს და ის სულიწმინდის მოვლენილი უნდათ რომ ეგონოს ყველას. რეალობა კი სულ სხვაა, ილია მეორე საბჭოთა კავშირის უშიშროების კომიტეტმა (და არა სულიწმინდამ) საქართველოს პატრიარქად დანიშნა!
[მურმან ეკალაძე, presa.ge]
